أخبار عاجلة
الرئيسية / منوعات / نصائح لشراء أفضل استضافة 2018-2019 بلاك فرايدي

نصائح لشراء أفضل استضافة 2018-2019 بلاك فرايدي

في الفترة اللي فاتت اشتغلت أفيليت مع شركات الاستضافة واكتسبت خبرة جيدة الحمد لله في معرفة ازاي تختار أفضل استضافة ما بين الكثير من المراجعات والتجارب هقولكم الخلاصة للي بيفكر يحصل على استضافة ومش عارف ازاي يختار أنهي أحسن شركة يختارها وافضل خصم والكلام ده
.

#1 ألحق الفرصة

فاضل يومين تقريباً على البلاك فرايداي وفي خلال السنة كلها مش هتلاقي خصومات بتتقدم زي الفترة ده فلو أنت ناوي تبني موقع حتى بعد فترة فلازم تجيب استضافة في الفترة ده لأن فعلاً الخصومات ده صعب تلاقي زيها في أي وقت تاني في السنة
.

#2 أعرف أنت عاوز إيه بالظبط

.
مشكلة من ضمن المشاكل اللي بيقع فيها ناس كتير انه مش عارف هو عاوز إيه، فبيسأل : إيه أحسن شركة؟ أو إيه أفضل خصم؟
لو سألتني إيه أفضل استضافة هقولك سرفرات أمازون اللي بتبدأ اشتراكها +100$ وبتوصل لـ7000$ في الشهر تقريباً، واللي مش بتكون بـcPanel فأنت هتحتاج تأجر cPanel أو تجيب واحد بتاع سرفرات يديرلك السرفر وده طبعاً هيكلفك كتير جداً، وغالباً أنت مش محتاج حاجة زي كدة دلوقتي ..
.. وبرضة لو سألتني إيه أرخص شركة هقولك جودادي أو نيم تشيب تقريباً طول السنة وفي البلاك فرايداي أكتر، لكنه خيار سيء لأن السرفرات بتاعتهم سيئة وده هيسبب مشاكل كتير لموقعك.
طالما إن السرفر وحش يبقى لو دبحت نفسك تحسينات في تجربة المستخدم أو في السيو يبقى كل شغلك ملوش لازمة ..
… طيب يبقى السؤال بالطريقة الصحيحة: إيه اللي يناسب موقعك بالظبط؟ (بالنسبة للجودة والسعر)
.
الأول لازم تعرف إيه البرمجة بتاعت موقعك؟ والأكواد والاسكريبتات والملفات اللي هتكون فيه واللي هتستهلك قد ايه من موارد الاستضافة .. وده تفاصيل تقنية شوية، ولكن لو هنتكلم على النموذج العادي اللي أغلبنا بيستخدمه (اسكريبت وردبريس + صفحات ومقالات فيها محتوى)
.
فيبقى أهم حاجة عندك هي عدد الزوار
فأنت هتبص على عدد الزوار .. لو عدد الزوار بتاعك أقل من 25000 زائر شهري فاشتري Shared hosting أو shared cloud hosting (بتكون أسرع)
بالنسبة للـ WordPress hosting فمش بتفرق كتير
لو +25000 فطبعاً هتحتاج VPS بإمكانيات محددة حسب احتياجاتك من الموقع
..
برضة مهم إنك تشتري الاستضافة اللي بتقضي احتياجاتك مع أحسن جودة وأفضل سعر (لازم الـ3 مع بعض) ..

#3 لو أنت لسة مبتدئ اشتري Shared hosting

.
لو أنت لحد دلوقتي مش بيجيلك +500 زائر يومي لموقعك بشكل منتظم (وده من خلال جوجل اناليتكس مش بالتوقعات) يبقى الأحسن ليك إنك تشتري Shared hosting وبعدين لو لاقيت نفسك عاوز خطة أعلى تقدر ترقي بسهولة، أو حتى تنقل موقعك لاستضافة تانية أكبر لشركة تانية
.

#4 كل شركة وليها ميزة تميزها عن غيرها

.
عارف بالظبط لما أقولك عربيات تويوتا إيه اللي بيجي في بالك؟ طب مرسيدس؟ طب فيراري؟
كل شركة من الشركات ده ليها ميزة معينة بتميزها عن غيرها من الشركات ومافيش واحدة أحسن من التانية مطلقاً ..
.
.. فنفس الوضع بالنسبة لشركات الاستضافة
فيها شركات متميزة جداً في السرعة بالنسبة للفئة المتوسطة زي A2 وفيه شركات متميزة بسهولة الاستخدام والمناسبة للمواقع الصغيرة زي بلوهوست وفيه شركات مميزة في السعر مع جودة مقبولة زي أي بيدج وهوستنجر .. وهكذا
.
دايماً كل شركة بيكون فيها حاجة معينة بتميزها عن غيرها، وأنت بدورك تعرف ايه اهم حاجة عندك وبناءاً عليه تشتري من الشركة ده
هل الأهم عندك السرعة؟ ولا الدعم الفني؟ ولا السعر؟ ولا إنها تكون شركة عربية ؟ ولا إيه؟

وبناءاً عليه بتختار الشركة

.

#5 شوف البروفايل بتاع الشركة ده
.

احنا قلنا كل شركة ليها ميزتها في النصيحة رقم (4) لكن خلينا نتكلم فيه حاجات أساسية لازم تكون موجودة في الاستضافة بتاعتك بغض النظر انت هتشترك مع أنهي شركة لكن فيه حد أدنى من المعايير لازم تكون موجودة مع الشركة اللي هتشتغل معاها
المعايير ده هي : السرعة, الباندويث, Uptime, الحماية & الدعم الفني
.

#6 متمشيش وانت مغمض عينيك ورا مراجعات جوجل!

.
للأسف دايماً لما بتدور على ريفيوهات الناس وبتكتب مثلاً في جوجل XYZ reviews دايماً بيطلعلك نتائج ناس حاطين رابط افيليت كل همهم إنك تشتري من خلالهم وخلاص .. أو تجارب مستخدمين عاديين بيحكوا تجربتهم اللي مش بتكون نابعة عن خبرة كبيرة
لكن ده طبعاً ميمنعش إن فيه ناس بتقدم ريفيوهات محترمة
.

#7 كلها آراء بناءاً على تجارب

.
مش معنى النصيحة رقم (6) إن كل الريفيوهات بتكون كذب .. بقدر ما إن كل واحد بيحكي تجربته
.
علشان أكون صريح معاك مفيش حد رأيه بيكون صحيح 100%، بقدر ما إنها آراء وتجارب في الآخر
على سبيل المثال هتلاقي ناس بتحب نظام الـ IOS ومتعصبين ليه، وهتلاقي ناس بتشتم في الـ ios وبتتريق عليه وشايفين الأندرويد أحسن نظام تشغيل للموبايلات
هل ده معناه: إن الـ ios أحسن ولا الأندرويد؟؟
مرسيديس أحسن ولا BMW؟
لينكس ولا ويندوز؟
وهكذا
المهم إنك تبقى عارف انت عاوز إيه بالظبط وإن شاء الله اللي بعد كدة سهل
.

#8 شوف حد بيقدم بونص

.
… فيه ناس كتيرة بيبقوا شغالين أفيليت مع أغلب شركات الاستضافة بيقدموا بونص للي يشتري من رابط الأفيليت بتاعهم (أنت بتدفع نفس السعر العادي، ولكن هو بياخد عمولة) وبالتالي بيديلك بونص وهدايا لما تشتري من عنده ..
.
… طالما إنك كدة كدة ناوي تشتري فشوف حد بيقدم بونص كويس لأنك في الحالتين هتدفع نفس السعر
.
أتمنى أكون أفدكم في النصائح البسيطة ده ولو حد عنده سؤال يكتبه في التعليقات
……………….
اللي عاوز يعرف إيه أفضلت شركات استضافة هتنزل خصومات بناءاً على رأيي الشخصي والله أعلم
1. A2hosting.com
شركة ممتازة من حيث الإمكانيات والسعر هتنزل خصم لـ 67% وأظن إنها هتبقى أفضل خصم السنة ده
رابط الأفيليت: http://www.a2hosting.com/?aid=markteng

2- Bluehost.com
هيبقى خيار كويس برضة هتنزل خصم لحد 50% (مناسبة للي عاوز حاجة سهلة وكويسة لموقع واحد)
رابط الأفيليت : www.bluehost.com/track/omaresmail

3- Hostgator.com
هتنزل خصم لحد 70% في ساعات معينة في اليوم زي السنة اللي فاتت (هتبقى خيار جيد)
رابط الأفيليت: http://partners.hostgator.com/c/364761/177309/3094
4- Fastcomet.com
من الشركات السريعة والكويسة جداً لكن سعرها هيبقى اعلى شوية من اللي فات
رابط الأفيليت: https://affiliate.fastcomet.com/scripts/click.php…
وطبعاً هقدم دعم لأي حد هيشتري من روابط الأفيليت إن شاء الله 🙂

عن ahmed soliman

أحمد سليمان مدير الموقع مطور ويب php و mysQl وكاتب في بعض المواقع العربية

اضف رد

لن يتم نشر البريد الإلكتروني . الحقول المطلوبة مشار لها بـ *

*